Verðeinkunn Vínfinns sýnir hversu mikið þú færð fyrir peninginn. Hún metur hvort vín séu góð kaup með því að bera saman Vivino-einkunn og verð vínsins.
Vivino-einkunn
Hversu gott finnst fólki vínið almennt? Einkunn frá vínunnendum um allan heim.
Verðeinkunn (Vínfinnur)
Er vínið góð kaup miðað við verðið? Vínfinnur ber saman gæði og verð til að meta það.
Vivino = gæði. Verðeinkunn = gæði miðað við verð.
0–4.5
11.6%
Undir væntingum
4.5–5.5
18.5%
Ögn undir
5.5–6.5
29.9%
Sanngjarnt verð
6.5–7.5
26.7%
Góð kaup
7.5–8
7.7%
Mjög góð kaup
8+
5.5%
Framúrskarandi kaup
Flest vín lenda á miðsvæðinu, en aðeins lítill hluti nær alveg hæstu verðeinkunn. Þess vegna er einkunn yfir 7 yfirleitt gott merki um góð kaup.
Til upplýsinga
Verðeinkunn getur gefið þér hugmynd um hvort vín séu góð kaup, en smekkur er persónulegur. T.d. finnst okkur margar flöskur með verðeinkunn um 8 vera jafn góðar eða betri flöskur en sumar með verðeinkunn yfir 9. Við notum verðeinkunnina mjög mikið til að finna ný vín til að smakka, t.d. frá ákveðnu landi. Heilt yfir er verðeinkunn yfir 6.5 oft gott merki um að vínið séu góð kaup og sé þess virði að smakka.
Verðeinkunnin horfir ekki bara á lágt verð. Hún reynir að meta hvort vínið standi sig betur eða verr en sambærileg vín á svipuðu verði.
Vínfinnur safnar daglega verðum og vöruupplýsingum frá íslenskum áfengisverslunum.
Hvert vín er tengt við Vivino-gagnasafnið til að fá einkunn frá vínunnendum.
Líkanið ber saman Vivino-einkunn og verð vínsins miðað við önnur vín á Íslandi. Líkanið tekur einnig tillit til tegund víns og áfengisprósentu.
Ekki öll vín fá birta verðeinkunn. Við sýnum aðeins verðeinkunn þegar gögnin eru nógu góð, t.d. þarf nógu margar vivino umsagnir og vivino pörunin þarf að vera nógu traus. Verðeinkunnin á svo bara við fyrir vín — ekki bjór eða sterkt áfengi.
Hvaða verðeinkunn telst góð?
Í stuttu máli: um 6.5+ eru góð kaup, 7.5+ eru mjög góð kaup og 8+ er sjaldgæft. Ef þér finnst vín spennandi og langar að smakka, ekki láta lága verðeinkunn stoppa þig.
Af hverju getur vín með hærri Vivino-einkunn haft lægri verðeinkunn?
Vivino-einkunnin mælir gæði, en verðeinkunnin mælir gæði miðað við verð. Ef vín er með háa Vivino-einkunn en er líka mjög dýrt, þá getur verðeinkunnin verið lægri vegna þess að verðið er hærra en búast mátti við.
Þýðir há verðeinkunn að mér muni örugglega líka vínið?
Ekki endilega. Há verðeinkunn þýðir að margir hafa gefið víninu góða einkunn miðað við verð, en smekkur er einstaklingsbundinn. Verðeinkunn getur verið gagnleg leið til að finna ný vín til að smakka.
Hvernig á ég að nota verðeinkunn með Vivino-einkunn og verði?
Best er að nota allar þrjár saman. Vivino segir meira um almenn gæði, verðið segir hvað þú borgar, og verðeinkunnin segir hvort þú sért að fá meira eða minna fyrir peninginn en búast mætti við.
Getur dýrt vín líka fengið háa verðeinkunn?
Já. Verðeinkunnin umbunar ekki bara ódýrum flöskum. Ef dýr flaska stendur sig betur en sambærileg vín á sama verðbili getur hún fengið háa verðeinkunn.
Af hverju sé ég ekki verðeinkunn á öllum vörum?
Verðeinkunn er núna aðeins reiknuð fyrir vín, og jafnvel þar birtum við hana bara þegar gögnin eru nógu traust. Ef umsagnir eru of fáar eða pörunin er ekki nægilega örugg sleppum við henni frekar en að sýna villandi tölu.
Á ég að sleppa víni ef verðeinkunnin er lág en Vivino-einkunnin góð?
Ekki endilega. Lág verðeinkunn getur einfaldlega þýtt að vínið sé dýrt miðað við gæði, ekki að það sé slæmt vín. Ef þú veist að stíllinn hentar þér getur það samt verið rétt val.
Hvernig finn ég fljótt bestu kaupin á síðunni?
Byrjaðu á að skoða vín með hærri verðeinkunn eða farðu á listana yfir bestu vínkaupin. Þaðan geturðu þrengt leitina eftir verði, landi eða tegund og fundið rétt vín fyrir þig.
Notaðu verðeinkunnina til að finna vín sem gefa þér mest fyrir peninginn.
